Nyanyi Karo Tengkureb

Artikel Menarik lainnya

Kang Slenthik - Radarmas Senin, 4 Desember 2017 Dina kuwe jadwale dokter Daplun ana kunjungan maring rumah sakit jiwa. Pas lagi mlaku nang halaman mburi deweke krungu ana suara wong nyanyi.

“Kayane ana wong nyanyi suarane apik temen ya,” dokter Kemplu mbatin. Penasaran karo penyanyi sing nduwe suara merdu dokter Daplun dadi nggoleti. Mbarang digoleti nang dokter Daplun, jebul sing nyanyi anu salah sijine pasien.

“Kayane kiye pasien sing jenenge Kemplu wis mari kentire, gole nyanyi merdu banget,” batin dokter Daplun.

Cuman pas dideleng-deleng gole nyanyi si Kemplu mau karo turon mlumah. “Deneng gole nyanyi karo mlumah ya,” batin dokter Daplun.

Mbarang digatekna maning Kemplu malah gole nyanyi ora mlumah tapi gantian tengkureb, tapi lagu sing dinyanyikna ganti.

Penasaran karo polaeh Kemplu, dokter Daplun dadi merek banjur takon. “Kowe deneng gole nyanyi bar mlumah siki gari nyanyi karo tengkureb?”

Ditakoni kaya kuwe Kemplu gole semaur kalem banget, “Ya

Dok, mau kan side A, siki gantian side B.” “Oalah dasar wong kentir, nyanyi kaya kaset bae ana side A, side B,” batin dokter Daplun.

Sumber: http://radarbanyumas.co.id

Subscribe to receive free email updates:

0 Response to "Nyanyi Karo Tengkureb"

Posting Komentar

Terimakasih mengirim komentar, Anda akan mendapat tanggapan dari kami secepatnya, Terimakasih.